- 16 Oct 2026
FTESË PËR APLIKIM PËR ANËTARË TË JASHTËM TË KOMISIONIT
VLERËSUES
Për vlerësimin e projekteve të thirrjes publike për mbështetjen dhe realizimin e aktiviteteve në kuadër të programit të mësimit tërëditor.
Drejtoria e Arsimit e Komunës së Prishtinës fton përfaqësuesit dhe ekspertët e jashtëm nga shoqëria civile të aplikojnë për pjesëmarrje në Komisionin Vlerësues të projekteve të thirrjes publike për mbështetjen dhe realizimin e aktiviteteve në kuadër të programit të mësimit tërëditor.
Ftesa u drejtohet qytetarëve të Republikës së Kosovës që kanë përvojë profesionale në fushën e arsimit, teknologjisë, sportit, artit, kulturës, zhvillimit të fëmijëve apo fushave të tjera të ndërlidhura.
Pozitat për të cilat mund të aplikohet:
- Dy anëtarë të jashtëm nga shoqëria civile;
- Një anëtar rezervë nga shoqëria civile.
Anëtarët e përzgjedhur do të marrin pjesë në vlerësimin e projekt propozimeve me të drejtë vote, në përputhje me kriteret e thirrjes publike dhe procedurat përkatëse.
Kriteret për aplikim
Aplikuesit duhet t’i plotësojnë kriteret e mëposhtme dhe të dorëzojnë dokumentet që dëshmojnë se:
- Të kenë mbi tre vjet përvojë profesionale në të paktën njërën nga fushat e lartpërmendura;
- Të mos jenë nën hetime dhe të mos kenë precedent penal;
- Të mos kenë konflikt interesi me aplikuesit apo projektet që do të vlerësohen.
Afati dhe mënyra e aplikimit
Aplikimi është i hapur nga data 16.10.2026 deri më 23.10.2026.
Të interesuarit ftohen të dërgojnë CV-në në adresën elektronike zyrtare:kryeqyteti.arsimi@rks-gov.net duke shënuar në subjekt: “Aplikim për anëtar të jashtëm të Komisionit Vlerësues – Mësimi tërëditor”.